About us

Who we are, what we believe, and the people who serve here.

Who we are

We’re a church of ordinary people learning to follow Jesus together. We gather each week to worship, to hear the Bible taught, and to look after one another — and we’d be glad to have you with us.

What we believe

The Bible

We take the Bible as God’s word, and we read and teach from it whenever we gather.

Jesus

We believe Jesus lived, died and rose again, and that following him changes everything.

Everyone

Church is for everyone — every age and background, whatever you believe today.

Our leaders

C. Duh Kam

Senior Pastor

Chinram ah sianginn cachim kum 5 ka tuan hnu ah Myanmar Institute of Theology (MIT), Yangon ah ka lut. March 1985 ah B.Th le March 1988 ah BD/M.div. ka dih. September 1991 ah USA ah cacawn ah ka ra i Princeton Theological Seminary (PTS), Princeton, New Jersey in Master of Theology (Th.M) cu June 2, 1992 ah ka dih. Cun, United Theological Seminary (UTS), Dayton, Ohio ah ka kai than i Doctor of Missiology (D.Miss.) cu May 17, 1997 ah ka dih. Cu hnu ah Spohn Memorial Hospital, Corpus Christ, Texas ah student chaplain ka tuan i unit 5 ka hmuh than. Cu hnu ah Texas State Mental Health and Mental Retardation Service, Austin, Texas ah kum 6 ka tuan hnu ah Chin Baptist Mission Church, DC nih an ka sawm i March 1, 2005 in pastor rian cu nihin tiang ka tuan. Chin Baptist Churches USA a thok ka in, Executive Minister cu volunteer in kum 7 le cheu ka tuan hnu ah cantling General Secretary cu July 2012 in July 2018 tiang kum thum term in term hnih tiang ka tuan. August 2018 ah CBMC ah cantling Senior Pastor rian cu nihin tiang ka tuan. Bawipa dawtnak cungah kai lawm. Thla a campiaktu nan dihlak cungah kai lawm tuk hringhran. Pathian nih careltu nan dihlak thluachuah in pe cio hna seh!

Sui Hliang Chorei

Associate Pastor

Keimah ka min cu Rev.Sui Hliang Chorei a si. Laitlang lei ka chuahnak khua cu Thangtlang peng Hmongtlang asi. Pathian riantuan hi zeidang nakin ka duh bikmi a si caah MICT, Insein, Yangon ah L.Th ka dih. Laitlang ah Pastor kum hnih ka tuan hnu ah India ah B.Th, BD le M.Th ka dih. USA ka phak in Company ah rian ka tuan lio ah Chin Baptist Mission Church nih an sin ah Pathian rian tuan dingin kan in herh ko, tiin an ka sawm caah August, 2012 in CBMC ah Pastor ka tuan. CBCUSA nih February, 2014 thla ah Ordination an ka pek. Pathian nih a rianthiang tuan dingin Chiti thuhmi ka si caah Bawipa cungah kai lawm i, kei le ka inn chungkhar nihcun a rianthiang tuan dingin a kan ko tu Pa Pathian a rian lawng kan tuan ko lai.

Aaron Uk

Youth Pastor

Keimah ka min cu Pastor Aaron Uk ka si. Bawipa nih CBMC khrihfabu ah a rian thiang tuan kho ve dingin hmunhma le caan tha a ka pek i 2021 in Bawipa rian tuan hram ka thok. Bawipa fialmi rian a si caah Amah bochannak he hi a sunglawi mi rian hi kai khinhmi asi. CBMC Mino hna Pathian biatak in kan than i Khrih zultu tha kan si khawhnak hnga hi kai tinh bikmi asi. Hi rian a ka khinhtu Bawipa cung ah kailawm i a ka chiahnak hmun CBMC khrihfabu cung zong ah kailawm. Nun damnak Bawipa nih a ka pek chung Amah rian lawnglawng ka tuan lai i ka nunnak hi Amah sunparnak caah hman ding hi ka thlacamnak a si. Kan tuanmi vialte Bawipa sunparnak caah si ko seh.

Ram Kio Thang

CM Pastor

Keimah ka min cu Ram Kio Thang a si. Ka nu cu Pi Iang Hnem a si i ka pa cu Pu Kio Cin Thang a si. Unau paruk lakah falai ka si. Pathian nih a ka zaangfah caah 2017 ah hrintthannak ka rak co. Hrintthannak ka co le cangka in Pathian rianttuan ka rak duh caah Bible Sianginn kai kaa thawk i Bachelor of Science in Biblical Studies cu Spring 2022 ah ka rak dih (College of Biblical Studies, Houston, TX). Cun, ka peh tthan i Master of Divinity in Preaching & Pastoral Ministry cu Fall 2024 ah ka dih (Midwestern Baptist Theological Seminary, Kansas City, MO). Pathian nih a ka dawt i vel a ka ngeih caah January 21, 2025 in Chin Baptist Mission Church, Washington D.C. ah Pathian rianttuan ka thok. Sertu Pathian nih thluachuah in pek cio ko hna seh. Khrih sal, Pastor Ram Kio Thang

Jonah Inhmai

Music & Choir Coordinator

Keimah ka min cu Jonah Inhmai ka si. 2007 ah New York state ka phan i 2008 kum ah DC Area ah ka hung i tthial i CBMC ah chungtel sinak ka rak lak. 2009 kum in CBMC Khrihfabu ah part time in Music Director rian khinh ka si. Zarh fatin CBMC mino pawl Choir an cawnnak ah hla ka cawn pi hna i, zarhpini pumh service chungah music lei kongkau paoh tuanvo khinh in tlamtlin ter kai zuam.

Lalbat Cinzah

Office Secretary

Keimah ka min cu Pu Lal Bat Cinzah ka si. 1997 ah America ram ka rak phan. 1999 Kum CBMC Dirh a si in Chungtel ka rak si. 2014 in CBMC ah Case Worker rian full time in tuan kai thok. CBMC Chungtel chungin bawmh herhmi a ummi poah ka si khawh tawk in ka bawmh hna.

Siang Dun

Accountant

Keimah ka min cu Pu Siang Dun ka si. 1999 Kum CBMC Khrihfabu dirhin Member si nak ka ra lak ve. 2012 kum thok in CBMC Khrihfabu ah Accountant rian Part time khinh ka si. CBMC ah thlahlawh pek in riantuanmi hlawh kongkau le CBMC nih US cozah lei pehtlaihnak zong ka tol rel pi hna.

Biakhlei Sang Ling

Media Coordinator

Keimah ka min cu Biakhlei Sang Ling ka si. 2007 September thla in CBMC khrihfabu ah member tling sinak ka la i 2007 in 2017 tiang Music Team ah Bawipa rian ka rak i khinh ve. 2017 in Volunteer in Media Team hruai ka thok hna i 2022 ah Media Coordinator rian khinh ka si. Bawipa zangfahnak in tuni tiang a kan khinhmi rian cu amah bawmhnak thawngin ka tuan cuahmah ve. Bawipa sunparnak caah si ko seh.